Хууль тогтоомж
Холбоо барих
Талархал
Өргөдөл гомдол
Статистик
Дотоод шүүрэл судлал, диабетийн төв

Дотоод шүүрэл судлал, диабетийн төв

Дотоод шүүрэл судлал, диабетийн төвийн товч түүхээс:
Анх 1953 онд Улсын Төв Эмнэлгийн Дотрын III тасаг 30 ортой, 10-аад ажилтантай нээгдсэн. 1961 оноос 50 ортой болж өргөжсөн. 1967 оноос Дотоод шүүрэл, цус, зүрх судасны өвчтөнүүдийг хэвтүүлэн эмчилдэг 60 ортой үйл ажиллагаагаа явуулж эхэлсэн ба 1971 оноос Дотоод шүүрэл, Цусны өвчтөнг дагнан эмчлэх 45 ортой тасаг болсон. 1993 оноос Дотрын III тасаг нь Цус, Дотоод шүүрэл судлалын клиник болсон. 2006 оноос Дотоод шүүрлийн амбулаторийн үзлэгийн кабинет тусдаа үйл ажиллагаа явуулж эхэлсэн. 2009 оны 10-сарын 06 нд Н.Оюундэлгэр эмчийн санаачлагаар Цусны эмгэг судлал ба Дотоод шүүрлийн эмгэг судлалын клиник болж, эмнэлгийн даргын тушаал гарч Д.Цэцгээ даргатай 30 ортой тасаг бие даан үйл ажиллагаа явуулж эхэлсэн.

Бидний зорилго:
Дотоод шүүрэл судлал, диабетийн төв нь дотоод шүүрлийн эмгэгүүдийн олон улсын стандарт удирдамжийг дагаж үйлчлүүлэгчдэд оношлогоо эмчилгээний чиглэлээр мэргэжлийн өндөр түвшинд, орчин үеийн олон улсад нийцсэн эрүүл мэндийн тусламж үйлчилгээг, түргэн шуурхай үзүүлэх, улсын хэмжээнд мэргэжлийн заавар зөвлөгөө өгөх лавлагаа төвөөр ажиллахад оршино.


Төвийн бүтэц зохион байгуулалт:

  • Дотоод шүүрэл судлал диабетийн төв нь - Хэвтэн эмчлүүлэх 30 ортой тасаг
  • Амбулаторийн тусламж үйлчилгээг үзүүлэх үзлэгийн кабинет 2
  • Чихрийн шижингийн сургалтын кабинет 1 гэсэн бүтэцтэй ажиллаж байна.

УНТЭ-ийн дотоод шүүрэл судлал диабетийн төв нь 6 эмч, сургагч багш 1, сувилагч 7, сувилагчийн туслах- 1 гэсэн бүрэлдэхүүнтэйгээр улсын хэмжээнд төрөлжсөн мэргэжлийн эмнэлзүйн тусламж үйлчилгээ үзүүлж, дотоод шүүрлийн нарийн мэргэжлийн профессорын баг, сувилахуйн 1 багийн тогтолцоогоор сургалт, эрдэм шинжилгээ, судалгааны ажлыг хослуулан гүйцэтгэдэг. Дотоод шүүрэл судлал, диабетийн төв нь 2018 онд 1314 хүнийг хэвтүүлэн эмчилж, амбулаторийн 2 кабинетаар 22228 үйлчлүүлэгчийг хүлээн авч тусламж үйлчилгээ үзүүлсэн ба шинээр чихрийн шижинтэй 270 хүн оношлогдож, 7392 хүнд өөрийн хяналтын сургалтыг явуулж , хөлний үзлэгт 378 хүнийг хамруулан, 1529 хүнд бодисын солилцооны эмгэгийг оношлох хэмжилтийг хийж оношилгоо эмчилгээний хяналтыг хариуцан ажиллаж байна.
Манай төвд АУ-ны доктор- 1, АУ-ны магистр- 3, тэргүүлэх зэрэгтэй эмч- 1, ахлах зэрэгтэй эмч- 1 ажиллаж байгаа ба Япон, БНСУ, Чех , Тайвань, ОХУ зэрэг улсуудад мэргэжил дээшлүүлж, эдгээр орны эмч мэргэжилтнүүдтэй хамтран ажилладаг. ДШСДТ -д сувилахуйн тэргүүлэх зэрэгтэй 4, НЭМ-ны магистр 1, бакалавр зэрэгтэй 7, ахлах зэрэгтэй 2 сувилагч ажиллаж байна.
УНТЭ-ийн ДШСДТ нь эмнэлзүйн тусламж үйлчилгээний зэрэгцээ УНТЭ-ийн төгсөлтийн дараахь сургалтанд оролцож, жилд дотрын резидент эмч 20-25, дотоод шүүрлийн эмчийн мэргэжил олгох 2-3 эмч нарыг сургаж, төгсгөдөг.

Мөн дотоод шүүрэл, бодисын солилцооны эрхтэн тогтолцооны зонхилон тохиолдох эмгэгүүдийн чиглэлээр судалгаа хийж жилд 1 удаа БНСУ- ын Кореа их сургуулийн Анам эмнэлэгийн профессоруудтай хамтарсан семинарыг зохион байгуулж 9 дүүрэг, 21 аймгийн дотоод шүүрлийн эмч нарыг хамруулдаг. Улсын хэмжээний болон олон улсын хурал, мэргэжлийн сургалтуудыг зохион байгуулж, оношилгоо эмчилгээний удирдамжуудыг шинэчлэн боловсруулахад оролцдог.

С.ЯНЖМАА

Мэргэшил, зэрэг:

Ажилласан жил:

Дотоод шүүрэл судлал, диабетийн төвийн дарга
АУ-ны Магистр, Тэргүүлэх зэргийн эмч

1995- 2001 онд АУИС-ийн эмчилгээний анги төгсөж хүний их эмч мэргэжил
эзэмшсэн.
2001- 2003 онд Дотрын эмчийн резидент
2004 онд Зүрх судасны эмчийн мэргэжил олгох курс,
2008 онд Дотоод шүүрлийн нарийн мэргэжлийн эмчийн олгох курс, 2009 онд
дотоод шүүрлийн эмчийн дээшлүүлэх курс тус тус төгссөн.
2010- 2019 онд Япон, Чех, Тайвань, Солонгос, Орос улсад мэргэжил дээшлүүлсэн.
2013 онд Ахлах зэрэг
2014 онд АУ-ны магистр
2018 онд Тэргүүлэх зэрэг хамгаалсан
2002-2007 онд ХУДЭМНэгдэлд дотрын эмчээр
2008 оноос УНТЭ-ийн дотоод шүүрэл судлал, диабетийн төвийн эмчээр.

Шагнал :
2013 он ЭМЯ-ны Жуух бичиг.
2018 он Эрүүлийг хамгаалахын тэргүүний ажилтан.

Д.Даваасүрэн

Мэргэшил, зэрэг:

Ажилласан жил:

УНТЭ –ийн ДШСДТөвийн их эмч, АУ-ны доктор , Ахлах зэргийн эмч

1987онд - АУДС хүний их эмчээр төгссөн

1999-2001он Дотрын эмчийн резидентурт суралцаж дотрын эмч

2001-2002онд ДШБулчирхайн эмчийн олгох курс

2005 -2010 онд ОХУ-ын Томскийн АУИС-ийн аспирантурт суралцсан.

2010 онд Анагаах ухааны докторын зэрэг хамгаалсан

2018 онд Дотрын эмчийн Ахлах зэрэг хамгаалсан

1999 оноос УНТЭ-ДШСДТөвийн их эмчээр одоог хүртэл ажиллаж байна.

Б.Золбоо

Мэргэшил, зэрэг:

Ажилласан жил:

УНТЭ –ийн ДШСДТөвийн их эмч, АУ-ны магистр

2012 онд ЭМШУИС хүний их эмчээр төгссөн

2010нд Малайзын Лимкоквинг их сургуульд мэргэжил дээшлүүлсэн

2012онд Нэмэх трейд ХХК их эмчээр ажиллаж байсан

2014-2015онд Номун клиник эмнэлэгт Дотрын эмчээр ажиллаж байсан

2014онд УНТЭмнэлгийн Дотрын эмчийн резидентурийн сургалтанд суралцаж дотрын их эмч

2015онд АШУҮИС-ийн дотоод шүүрлийн булчирхайн эмчээр төгссөн

2015 онд БНСУ-ын Бураме эмнэлэг

2016 онд Анагаах ухааны магистрын зэрэг хамгаалсан

2015 оноос УНТЭ-ДШСДТөвд дотоод шүүрэл булчирхайн эмчээр ажиллаж байна.

С.Булган

Мэргэшил, зэрэг:

Ажилласан жил:

УНТЭ -ийн ДШСДТөвийн их эмч Анагаах ухааны магистр

2005 онд ЭМШУҮИС хүний их эмчээр төгссөн

2005-2007онд Дотрын эмчийн резидентурт суралцаж дотрын их эмч

2007-2010онд Улсын 2р нэгдсэн эмнэлэгт ЯТТ-ын эмчээр ажиллаж байсан

2009 онд БНСУ-ын Сонгэ эмнэлэгт Зүрх судасны эмчийн олгох курс (CCU)

2013 онд БНСУ-ын Мёнгжи их сургуульд Анагаах ухааны магистрын зэрэг хамгаалсан

2014 онд БНСУ-ын AJOU их сургуульд BK21 төсөлд судалгааны багт ажилласан

2016онд АШУҮИС-ийн Дотоод шүүрэл булчирхайн эмчээр төгссөн

2017 онд БНСУ-ын SNUH Boramae их сургуулийн эмнэлэгт мэргэжил дээшлүүлэх курс

2017 онд Тайван улсад мэргэжил дээшлүүлэх курс

2018 онд БНСУ ын Анам эмнэлгийн Дотоод шүүрлийн тасагт мэргэжил дээшлүүлэх курс

2016 оноос УНТЭ-ДШСДТөвд дотоод шүүрэл булчирхайн эмчээр ажиллаж байна.

Д.Дариймаа

Мэргэшил, зэрэг:

Ажилласан жил:

2010 онд АШУҮИС хүний их эмчээр төгссөн

2013 он Улаанбаатар хот БЗДүүргийн ЭМН-д эмчээр ажилласан

2015 онд АШУҮИС -ийн Дотрын эмчийн резидентурийн сургалтанд суралцаж дотрын эмч

2016 онд АШУҮИС-ийн Дотоод шүүрэл булчирхайн эмчээр төгссөн

2017 онд АШУҮИС -ийн магистрант

2016 оноос УНТЭ-ДШСДТөвд дотоод шүүрэл булчирхайн эмчээр ажиллаж байна.

П.Чанцалдулам

Мэргэшил, зэрэг:

Ажилласан жил:

2013 онд “Ач” АУИС их эмчээр төгссөн

2015 онд АШУҮИС -ийн Дотрын эмчийн резидентурийн сургалтанд суралцаж дотрын их эмч

2016 онд АШУҮИС-ийн Дотоод шүүрэл булчирхайн эмчээр төгссөн

2016 оноос УНТЭ-ДШСДТөвд дотоод шүүрэл булчирхайн эмчээр ажиллаж байна.

Үйл ажиллагаа
Манай хамт олон “ Сэтгэлд нийцсэн үйлчилгээ, чанарыг эрхэмлэж, хүртээмжтэй хүргэе ”
уриан дор тасгийн эмч ажилчдын харилцаа хандлагыг сайжруулах, оношлогоо
эмчилгээний чанар, үр дүнг дээшлүүлэх, ажилчдын бүтээлч идэвхийг өрнүүлэх чиглэлээр
үйл ажиллагааг явуулж байна.
ДШСДТөв нь жилдээ хэвтэн эмчлүүлэх тасагт 1500 өвчтөн, амбулаторт 24000
үйлчлүүлэгчийг хүлээн авч оношлож, эмчлэх тусламж үйлчилгээг үзүүлдэг.
2011 оноос Диабетийн төв шинээр нээгдэн ажилласанаар чихрийн шижингийн нэгдсэн
бүртгэл хийгдэж, шинэ оношлогдсон чихрийн шижинтэй хүмүүст зөвлөгөө өгөх сургагч
багш ажиллаж түргэвчилсэн багцын шинжилгээнд хамруулан ажиллаж байна. Улсын
хэмжээний лавлагаа тусламж үйлчилгээ үзүүлдэг ба 21 аймаг, 9 дүүргийн өвчтөнийг
хүлээн авч үйлчилдэг.


Сургалт-судалгааны талаар:
Тасгийн профессорын баг нь дотоод шүүрлийн эмгэгүүдийн орчин үеийн оношлогоо
эмчилгээний чиглэлээр сургалт семинар зохион байгуулж, эрдэм шинжилгээ судалгааны
ажил хийгдэж, олон улсын сургалт семинарыг жил бүр зохион байгуулж ажилладаг.
Жил бүр 11 сарын 14 нд “ ОУ-ын Чихрийн шижинтэй тэмцэх өдөр” –ийг МУ-д анх 1995
оноос эхлүүлэн амжилттай тэмдэглэн өнгөрүүлж байна. Тус өдрийн хүрээнд ард иргэдэд
чиглэсэн олон төрлийн үйл ажиллагааг зохион байгуулдаг ба хэвлэл мэдээллийн
хэрэгсэлээр, гарын авлага ном бэлтгэн иргэдэд болон үйлчлүүлэгчдэд эрүүл мэндийн
мэдлэг, мэдээллийг тогтмол олгож ажилладаг.
Гадаад харилцаа БНХАУ-ын Нань-янь эмнэлэг , Кореа их Сургуулийн Анам эмнэлэг,
БНСУ Ажу их сургуулийн эмнэлэг, ОХУ Императорский клиник, Тайвань улс Чангхуа
эмнэлэг гэх мэт газруудтай эмч мэргэжилтэн сургах, туршлага солилцох, судалгаа
шинжилгээний ажлыг хамтран зохион байгуулж байна.


Цаашдын зорилт
Дэлхийн стандартад нийцүүлсэн оношлогоо, эмчилгээний тусламж үйлчилгээг ард
иргэдэд хүргэх.
Хүн амын суурин амьдралтай холбоотой хөдөлгөөний хомсдол үүссэнээр таргалалт,
чихрийн шижингээр өвдөх эрсдэлээс урьдчилан сэргийлэх нийгэмд чиглэсэн арга хэмжээг
цогц хөтөлбөрөөр хэрэгжүүлэх.