Хууль тогтоомж
Холбоо барих
Түгээмэл асуулт хариулт
Өргөдөл гомдол
Статистик
Лого татах
Мэдрэлийн эмнэлзүйн төв

Мэдрэлийн эмнэлзүйн төв

БНМАУ-ын хүний гавъяат эмч Л.Дагзмаагийн нэрэмжит,

Монгол Улсын ууган мэдрэлийн тасаг

Мэдрэлийн Эмнэлзүйн Төв

УНТЭ-ийн Мэдрэлийн эмнэлзүйн төв нь 1939 онд сууриа тавьснаар Монгол Улсад мэдрэлийн алба анхлан байгуулагдаж, мэдрэл судлалын шинжлэх ухааныг хөгжүүлэхэд түүхэн үүрэг гүйцэтгэсэн билээ. Тус тасгаас Монгол Улсын анхны гавъяат эмч Л.Дагзмаа, ШУА-ийн гишүүн, доктор, профессор Г.Лодон, ардын багш, хүний гавъяат эмч, доктор, профессор Г.Цагаанхүү, гавъяат эмч, доктор, профессор Н.Төмөрбаатар, доктор, дэд профессор Д.Балдандорж зэрэг алдартай эмч, эрдэмтэд төрөн гарснаар бид бахархдаг билээ.

Мэдрэлийн эмнэлзүйн төв нь ЭЭГ, РЭГ, ЭНГ, ЭМГ, ТНШ-ний шинжилгээг монголд анх удаа мэдрэлийн практикт нэвтрүүлсэн юм. Мэдрэлийн эмч бэлтгэх сургалт 1960 оноос тус тасгийг түшиглэн явагдаж эхэлсэн бөгөөд 1999 оноос бие даан резиденсийн сургалт явуулж байна.

Мэдрэлийн эмнэлзүйн төв нь АУ-ны доктор 12, АУ-ны магистр 6 төрүүлэн гаргаж, эрдмийн бүтээл олныг туурвисан.

Мэдрэлийн эмнэлзүйн төв нь нийслэлийн 9 дүүрэг, 21 аймгийн хүн амд мэргэжлийн болон эрдмийн цол зэрэг бүхий эмч нар орчин үеийн оношилгооны тоног төхөөрөмжийг ашиглан мэдрэлийн эмгэг, мэдрэлийн мэс засал, мэдрэлийн үйл онош, нейроангиологи, мэдрэлийн нөхөн сэргээх тусламж үйлчилгээг тасралтгүй үзүүлж байна.

УНТЭ-ийн өөрийн хөрөнгө оруулалтаар 2013 оны 12-р сарын 26-нд Тархины цочмог харвалтын нэгж тасгийг 6 ортой байгуулсан бөгөөд, 2015 оноос 8 ортой болгон өргөжүүлж жилдээ 500-600 тархины харвалттай өвчтнүүдэд үйлчилж байна. Мэдрэлийн эмгэг судлалын тасаг нь 2016 онд Мэдрэлийн эмнэлзүйн төв болон өргөжиж, мэдрэлийн тасаг, харвалтын судлалын тасаг, мэдрэлийн мэс заслын тасаг, мэдрэлийн эрчимт эмчилгээний тасаг, мэдрэлийн үйл онош гэсэн тасаг хэсгүүдтэйгээр ажиллаж байна.

Хүний нөөц

Эмч

  • Клиникийн профессор 4
  • АУ-ны доктор 1
  • АУ-ны магистр 9
  • Удирдлагын магистр 2
  • Зөвлөх зэрэг 2
  • Тэргүүлэх зэрэг 3
  • Ахлах зэрэг 2

Сувилагч

  • Тэргүүлэх зэргийн сувилагч 6
  • Ахлах зэргийн сувилагч 3

Туслах сувилагч

Асрагч

  1. Үйл ажиллагааны үндсэн чиглэл
  • Амбулаторийн тусламж - Мэдрэлийн нарийн мэргэжлийн эмч үзлэг хийж мэдрэлийн эмгэгийг оношлоно
  • Тархины цахилгаан бичлэг (EEG) мэдрэлийн органик болон үйл ажиллагааны эмгэг, уналт таталтыг ялган оношлох
  • Тархины судасны бичлэг (TCD-допплеросонографи) гавлын гаднах болон доторх судасны эмгэгийг оношлох
  • Тархины судасны өнгөт хэт авиан шинжилгээ (дуплекссонографи) Тархины судасны хүзүү хэсгийн ба гавлын доторх хэсгийн хэт авиан шинжилгээ
  • Полисомнографи (PSG) нойрны бүхий л эмгэгийг ялган оношлоно
  • Тархины харвалтын тусламж - тархины харвалтын нэгжид нарийн мэргэжлийн тусламж үзүүлнэ
  • Хэвтүүлэн эмчлэх тусламж – мэдрэлийн 3-р шатлалын тусламж шаардлагатай өвчтнийг хэвтүүлэн эмчилнэ
  • Тархины харвалтын тусламж
  • Мэдрэлийн мэс заслын тусламж - тархи, нуруу нугас, захын мэдрэл, судасны мэс засал
  • Нейроангиологийн тусламж үйлчилгээ
  1. Сургалт
  • Мэдрэл судлалын үндсэн мэргэжлийн резиденсийн сургалт
  • Мэдрэлийн эмчийн мэргэжил дээшлүүлэх сургалт
  • ЭЭГ-ийн эмчийн мэргэжил эзэмшүүлэх сургалт
  • Допплерографийн эмчийн мэргэжил эзэмшүүлэх сургалт
  • Мэдрэлийн сувилагчийн мэргэжил эзэмшүүлэх сургалт
  • Мэдрэлийн сувилагчийн мэргэжил дээшлүүлэх сургалт
  1. Судалгааны тэргүүлэх чиглэл
  • Тархины судасны эмгэг
  • Захын мэдрэлийн эмгэг
  • Мэдрэлийн цочмог болон архаг халдвар
  • Мэдрэл сэтгэцийн асуудлууд

Монгол Улсын стандарт

  • Тархины цусны эргэлтийн цочмог хямралын оношлогоо, эмчилгээ MNS 5291 : 2003
  • Эпилепсийн оношлогоо, эмчилгээ MNS 5290 : 2003
  • Толгойн анхдагч өвдөлтийн оношлогоо, эмчилгээ MNS 5288 : 2003
  • Мэдрэлийн тогтолцооны миелингүйжих өвчний оношлогоо, эмчилгээ MNS 5950:2008
  • Нурууны гарвалт язгуур мэдрүүлийн өвдөлтийн хамшинжийн оношлогоо, эмчилгээ MNS 6207 : 2010
  • Миелингүйжих полирадикулоневропатиөвчний оношлогоо, эмчилгээ MNS 6208 : 2010
  • Нүүрний саа (невропати)-ийн оношлогоо, эмчилгээ MNS 6209 : 2010

Монгол Улсын эмнэлзүйн удирдамж, заавар

  • Тархины цочмог харвалтын эмнэлзүйн удирдамж 2012 он
  • Тохойн сувгийн хамшинж/мононевропатийн оношилгоо, эмчилгээний эмнэлзүйн заавар 2022 он
  • (Бугуйн сувгийн хамшинж/мононевропатийн оношилгоо эмчилгээний эмнэлзүйн заавар 2022 он
  1. Хамтын ажиллагаа
  • ДЭМБ (WHO) , Дэлхийн мэдрэл судлалын холбоо (WFN), Дэлхийн харвалтын байгууллага (WSO), Азийн номхон далайн орнуудын харвалтын байгууллага (APSO) , Олон улсын эпилепсийн нийгэмлэг (ILAE), Азийн эпилепсийн академи (ASEPA), Сөүлийн Үндэсний их сургуулийн Борамэ эмнэлэг (SNUH Boramae Medical Center).
    • Монголын мэдрэлийн эмч нарын нийгэмлэг (ММЭН), Монголын неврологийн нийгэмлэг, Монголын харвалт судлалын нийгэмлэг , Монголын эпилепсийн нийгэмлэг, “Мэдрэл судлал” монголын сэтгүүл.