Хууль тогтоомж
Холбоо барих
Талархал
Өргөдөл гомдол
Статистик
Сайтын хандалт
“Үйлчлүүлэгчийн аюулгүй байдлын төлөө дуу хоолойгоо нэгтгэцгээе” өдөрлөг боллоо.

“Үйлчлүүлэгчийн аюулгүй байдлын төлөө дуу хоолойгоо нэгтгэцгээе” өдөрлөг боллоо.

ДЭМБ, ЭМЯ-наас жил бүрийн 09.17-ны өдрийг “Үйлчлүүлэгчийн аюулгүй байдлын дэлхийн өдөр” болгон зарласан. Энэ өдрийг угтаж УНТЭ- ийн Чанар аюулгүй байдлын алба, эмзүйн алба хамтран “Үйлчлүүлэгчийн аюулгүй байдлын төлөө дуу хоолойгоо нэгтгэцгээе” сэдэвт өдөрлөгийг үйлчлүүлэгчдийн дунд зохион байгууллаа. Өдөрлөгт УНТЭ-ийн тасаг, төвд хэвтэн эмчлүүлэгсэд , амбулаториор үйлчлүүлж байгаа үйлчлүүлэгчид болон тасаг төвийн 150 гаруй ажилчдыг хамрууллаа. Өдөрлөгийн үйл ажиллагааг нээж УНТЭ-ийн эмнэлзүй эрхэлсэн захирал О.Баярмаа үг хэллээ. Мөн нээлтийн үйл ажиллагаанд ЭМХТ-ийн магадлан итгэмжлэл лицензийн албаны дарга, мэргэжилтэнгүүд оролцлоо. Өдөрлөгийн үеэр УНТЭ-ийн чанар аюулгүй байдлын алба, сувилахуйн алба, эм зүйн алба, халдвар судлаач нараас “ДЭМБ-аас үйлчлүүлэгчийн аюулгүй байдлын талаар хэрэгжүүлж буй үйл ажиллагаа”, “Эмийн зохистой хэрэглээ сэдвээр сургалт мэдээлэл, “Өндөр эрсдэлт эмийн мэдээлэл” , “Цэвэр гар, Эрүүл мэнд”, “Асаргааны багцын ач холбогдол”, “Эмчлүүлэгчийн аюулгүй байдал, Үйлчилгээ үзүүлэгчийн аюулгүй байдал” сэдвүүдээр мэдээлэл өглөө. Мөн оролцогсдод “Үйлчлүүлэгчдэд эмийн зохистой хэрэглээ” , “Үйлчлүүлэгчийн аюулгүй байдлын төлөө дуу хоолойгоо нэгтгэцгээе” гарын авлага тарааж, “үйлчлүүлэгчийн аюулгүй байдлын төлөө” видео бичлэг үзүүллээ.

Чанар аюулгүй байдлын алба