Дэлхийн мансууруулах бодисын өдрийг жил бүрийн 6 дугаар сарын 26-ны өдөр тэмдэглэн өнгөрүүлж, мансууруулах бодис хэрэглэхээс ангид дэлхий ертөнцийг бий болгох үйл ажиллагаа, хамтын ажиллагааг бэхжүүлдэг билээ.

Мансууруулах бодис хэрэглэхгүй байх, хууль бус наймааны эсрэг олон улсын өдөр буюу Дэлхийн мансууруулах бодисын өдрийг жил бүрийн 6 дугаар сарын 26-ны өдөр тэмдэглэн өнгөрүүлж, мансууруулах бодис хэрэглэхээс ангид дэлхий ертөнцийг бий болгох үйл ажиллагаа, хамтын ажиллагааг бэхжүүлдэг билээ.
Мөн жил бүр ижил төрлийн үйл ажиллагаа явуулдаг дэлхийн янз бүрийн байгууллагууд нэгдэж, мансууруулах бодисын хууль бус байдал нийгэмд учруулдаг гол асуудлын талаарх мэдлэгээ нэмэгдүүлэхэд туслах Дэлхийн мансууруулах бодисын өдрийг тэмдэглэдэг.
Бид хамтдаа дэлхийн хар тамхины асуудлыг шийдэж чадна!

Мансууруулах бодисоос ангид байх 10 шалтгаан
1. Нэгхэн буруу сонголт олон буруу сонголтыг дагуулдаг. Тамхи татах, архи уух, мансууруулах бодис хэрэглэж эхлэх нь бусад хор хөнөөлтэй бодисыг туршиж эхлэхэд ИЛҮҮ хялбар болдог. Эдгээр бодисуудыг хослуулан хэрэглэснээр эрүүл мэндэд маш ноцтой эрсдэл учирдаг бөгөөд үхэлд ч хүргэж болно.
2. Өөртөө итгэлтэй бай. Таны хамгийн сайн хувилбар бол ТА. Мөн тамхи, архи, мансууруулах бодист нэрвэгдсэн үедээ өөрөөрөө байх боломжгүй. Жинхэнэ найзууд чамд хайртай, жинхэнэ хэн бэ гэдгийг чинь хайрладаг. Найз нөхдөөсөө хөндийрч, алдах баттай арга бол үнэхээр хэн бэ гэдгээсээ өөр хүн болох явдал юм. Тамхи, архи, мансууруулах бодис хэрэглэхгүй байхыг сонгосноор та аяндаа өөртөө илүү итгэлтэй болдог. Та бол найдвартай, хариуцлагатай, тууштай хүн юм.
3. Хамгийн сайхнаараа харагд. Тамхи, архи, мансууруулах бодис хэрэглэх нь гадаад үзэмжид муугаар нөлөөлдөг. Никотины толботой шүд, гөлийж улайсан нүд, эв хавгүй биеийн хөдөлгөөнтэй болох зэргээр таны харагдах үзэмж, мэдрэмж, биеэ авч явах байдлыг гэмтээдэг.
4. Хуримтлалтай болох. Мөнгөний үнэ цэнийг ойлгох хэрэгтэй. Дунджаар 1 хайрцаг тамхи 5000 төгрөг, 1 лааз пиво 4000 төгрөг. Цаашилбал мансууруулах төрлийн бодисууд үнэтэй. Эдгээр бодисууд танд болон таны ирээдүйд ямар хор хөнөөл учруулж байгааг бодож үзвэл та яагаад ийм төрлийн мөнгийг өөрийгөө устгахад хөрөнгө оруулах хэрэгтэй юм бэ?
5. Илүү эрүүл, илүү чийрэг. Тамхи татах нь биеийн артерийн судсаар дамжин цусны эргэлтийг удаашруулдаг. Уушигны эд эсийг устгаж, амьсгалахад саад болдог. Согтууруулах ундаа бол сэтгэл гутралд оруулж, оюуны ажиллах чадвар, хөдөлгөөний ур чадварт муугаар нөлөөлдөг. Мөн мансууруулах бодис нь эрүүл мэндэд маш олон төрлийн эрсдэл, аюул учруулдаг. Хэрэв та эрүүл мэнд, бие бялдраа анхаардаг бол тамхи, архи, мансууруулах бодист ҮГҮЙ гэж хэлээрэй.
6. Чанартай нойр ой тогтоолтыг сайжруулдаг. Тамхи, архи, мансууруулах бодис нь хэвийн унтах хэв маягийг саатуулж, тасалж, шинээр суралцах, ой тогтоолтын хэвийн үйл явцад саад учруулах нь олонтаа.
7. Эрх чөлөөтэй, бие даасан байдал. Хэрэв та болон таны эргэн тойронд тамхинд донтсон эсвэл архи мансууруулах бодисоос хамааралтай хэн нэгэн байгаа бол анзаараад хараарай. Тэгвэл та тэдний хийсэн сонголт нь тэднийг хэрхэн хараат бус байдал эрх чөлөөгөө үгүй хийсэн гэдгийг амархан ойлгох болно. Өсвөр насныханд зориулсан тамхи, согтууруулах ундааны бүтээгдэхүүний сурталчилгааг анхаар. Эдгээр том корпораци таныг тэдний бүтээгдэхүүнд хамгийн их өртөмтгий гэдгийг мэддэг. Муу зуршил, жинхэнэ донтолт хоёрын хооронд маш сайн шугам байдаг. Ухаалаг бай. Хүчтэй бай. Эрх чөлөөтэй бай.
8. Илүү аз жаргалтай, сэтгэл хангалуун байдал. Тамхи, архи, мансууруулах бодис зарим хэрэглэгчдэд богино хугацаанд таашаал өгч болох ч сэтгэл гутрал, гэм буруутай мэдрэмж, айдас түгшүүр, ядрал сульдал, цөхрөлд хүргэдэг. Жинхэнэ бөгөөд үүрдийн аз жаргал нь лонх, гаанс, хайрцаг тамхинаас ирдэггүй.
9. Илүү сайн дүн авч, илүү сайн ирээдүйг баталгаажуул. ЭЕШ, шилдэгийн жагсаалт, тэтгэлэгт хөтөлбөр, сургалтанд хамрагдах гээд олон чухал асуудлууд бидний өмнө бий.. Одоо хийж байгаа сонголтууд тань насан туршид тань нөлөөлнө.
10. Амлалтандаа хүрэхийн төлөө
Амьдралд ялахын төлөө