МОНГОЛ УЛСАД ДЭВШИЛТЭТ ТЕХНОЛОГИ АМЖИЛТТАЙ НУТАГШУУЛСАН БАГИЙН ХАМТ ОЛОНГ УЛСЫН НЭГДҮГЭЭР ТӨВ ЭМНЭЛГИЙН ХҮНДЭТ ДЭВТЭРТ ТЭМДЭГЛЭЖ АЛДАРШУУЛЛАА

УНТЭ-ийн Цусны үүдэл эс шилжүүлэн суулгах баг, Дунгийн суулгацын мэс заслын багийн бүрэлдэхүүнийг байгууллагын хүндэт дэвтэрт алдаршуулах арга хэмжээг 2023 оны 07 дугаар сарын 5-ний өдөр зохион байгууллаа.Тус арга хэмжээнд МУ-ын Ерөнхийлөгчийн Эрүүл мэнд, спорт, нийгмийн бодлогын зөвлөх Т.Мөнхсайхан урилгаар хүрэлцэн ирж тус багийн бүрэлдэхүүнд баяр хүргэж, амжилт хүслээ.

Цусны үүдэл эс шилжүүлэн суулгах баг нь Монгол улсад цусны үүдэл эс шилжүүлэн суулгах эмчилгээний технологийг тасралтгүй сайжруулан хөгжүүлж, хөгжлийн шинэ түвшинд ахиулж, 2022 оны 08 сард донороос үүдэл эс шилжүүлэн суулгах /алло/ эмчилгээг нэвтрүүлж, анхны тохиолдлоо амжилттай гүйцэтгэсэн Цусны үүдэл эс шилжүүлэн суулгах багийн гишүүд Б.Хишигжаргал, Н.Оюундэлгэр, С.Мядагсүрэн, Ж.Нарангэрэл, А.Нансалмаа, Д.Далайжаргал, Ц.Амаржаргал, Ж.Саранцэцэг, С.Зоригоо, Д.Булган, Б.Алтаншагай, Э.Элбэгжаргал, Т.Саруул, С.Цэрэнхүү, Б.Батчимэг, Т.Баярмаа, А.Оюуномин нарыг байгууллагын “ХҮНДЭТ ДЭВТЭР” (№27) –т, Монгол Улсад дунгийн суулгац эмчилгээний өндөр технологийг амжилттай нэвтрүүлж, нутагшуулсан Улсын нэгдүгээр төв эмнэлгийн Дунгийн суулгацын мэс заслын багийн гишүүд Л.Бямбасүрэн, Г.Ариунтуул, Н.Асралт, Х.Баялагмаа, Н.Ариунтунгалаг, Ө.Болдбаяр, Б.Мишээлт, Х.Лхагва, Х.Оюунтуяа, Ж.Оюуннаран нарыг байгууллагын “ХҮНДЭТ ДЭВТЭР” (№28)-т тус тус тэмдэглэж алдаршуулан батламжлав.