Хууль тогтоомж
Холбоо барих
Түгээмэл асуулт хариулт
Өргөдөл гомдол
Статистик
Лого татах
Тусламж үйлчилгээ

Улсын Нэгдүгээр Төв эмнэлэг нь нотолгоонд суурилсан анагаах ухааныг үүсгэн байгуулагдсан цагаасаа эхлэн хөгжүүлж Монгол улсдаа анхдагчаар эрхтэн шилжүүлэн суулгах эмчилгээг нэвтрүүлж нутагшуулсан, хэрэглэгчээ дээдэлсэн ээлтэй орчин бүрдүүлсэн, удирдлагын тогтолцоог орчин үеийн өндөр хөгжилтэй эмнэлгүүдтэй адил түвшинд болгосон, гадаад харилцааг хөгжүүлсэн, эмчилгээ оношилгооны 100 гаруй өндөр технологийг сүүлийн 5 жилд бүрэн нутагшуулсан, амбулаторийн тусламж үйлчилгээний зохион байгуулалтыг бүрэн шинэчилсэн, тоног төхөөрөмж шинэчлэлийг тасралтгүй хийсээр ирсэн бөгөөд эмнэлгийн тусламж үйлчилгээ үзүүлэхээс гадна бусад эрүүл мэндийн байгууллагыг мэргэжил арга зүйгээр хангах, чадавхижуулах, сургал эрхлэх, судалгаа шинжилгээний ажил хийх, стандарт удирдамж заавар боловсруулах, чанарын удирдлагын тогтолцоо нэвтрүүлэх зэрэг олон ажлыг хийж ирлээ.

Улсын Нэгдүгээр Төв эмнэлэг нь Эрүүл мэндийн сайдын 2018 оны А /485 дугаар тушаалын дагуу дараах чиглэлээр улсын хэмжээнд лавлагаа тусламж үйлчилгээ үзүүлэн ажиллаж байна.

  1. Цус, цус төлжүүлэх эрхтэн тогтолцооны эмгэгийн тусламж, үйлчилгээ
  2. Дархлааны механизм хамарсан эмгэгийн тусламж, үйлчилгээ
  3. Дотоод шүүрэл, шим тэжээл, бодисын солилцооны эмгэгийн тусламж, үйлчилгээ
  4. Яаралтай тусламж, мэдээгүйжүүлэг, эрчимт эмчилгээ
  5. Эс, эд, эрхтэн шилжүүлэн суулгах тусламж, үйлчилгээ
  6. Хоол боловсруулах эрхтэн тогтолцооны тусламж, үйлчилгээ
  7. Эрүү, нүүрний мэс заслын тусламж, үйлчилгээ
  8. Шээс, бэлгийн тогтолцооны эмгэгийн тусламж, үйлчилгээ
  9. Бөөр орлуулах тусламж, үйлчилгээ
  10. Яс, үе, булчингийн тогтолцоо, холбох эдийн эмгэгийн тусламж, үйлчилгээ
  11. Нүдний тусламж, үйлчилгээ
  12. Чих, хамар, хоолойн тусламж, үйлчилгээ
  13. Цусны хавдрын тусламж үйлчилгээ
  14. Цөмийн анагаах ухааны оношилгоо, эмчилгээний тусламж, үйлчилгээ
  15. Радиоиммунологийн оношилгооны тусламж, үйлчилгээ

УНТЭ дээрх 15 чиглэлээр бусад эрүүл мэндийн байгууллагаас онош тодруулах, нарийн төвөгтэй оношилгоо эмчилгээ хийлгэх, мэргэжил арга зүйн зөвлөгөө авах зорилгоор холбогдох журмын дагуу илгээсэн үйлчлүүлэгчид тусламж, үйлчилгээ үзүүлэх бөгөөд телемедицинээр болон тухайн эмнэлэгт очиж мэргэжлийн зөвлөгөө, арга зүйгээр ханган ажилладаг.