Хууль тогтоомж
Холбоо барих
Талархал
Өргөдөл гомдол
Статистик
Лого татах
Түүхэн товчоо

Манай улсад 1921 оны 8-р дугаар сарын 25-нд иргэдийг үнэ төлбөргүй эмчлэх эмнэлгийн хороо байгуулах тухай Бүх Цэргийн Зөвлөлийн тогтоолд их жанжин Д.Сүхбаатар гарын үсэг зурснаар эрүүлийг хамгаалах, шинжлэх ухааны эмнэлгийн үүсэл хөгжлийн суурь тавигджээ.

1925 оны 10 дугаар сарын 25-нд Ардын эмнэлэг нэртэйгээр Европ эмнэлгийн 8, лам ёсны түвд эмнэлгийн 7, нийт 15 ортой эмнэлгийг 1 орос, 3 монгол эмчтэйгээр тэр үеийн Улаанбаатар хотын IX хорооны нутаг дэвсгэр буюу Зоригт ван Осорбазарын ач хүү Төвдорж вангийн цэцэрлэгт хашаа ордонд байгуулснаар эдүгээгийн Улсын нэгдүгээр төв эмнэлгийн тулгын чулуу тавигдсан байна.

Ардын эмнэлгийг 1935 оноос Клиникийн эмнэлэг болгон өргөжүүлсэн ба хөгжлийн он жилүүдэд өнөөгийн эрүүл мэндийн салбарт тэргүүлж буй олон эмнэлэг тус эмнэлгээс салбарлан гарсан юм.

Тус эмнэлэг нь 1971 онд Чехословак улсын тусламжаар баригдсан 24656 м2 талбай бүхий 240 ортой, эмнэлгийн байртай болсон бөгөөд БНМАУ-ын Сайд нарын Зөвлөлийн 1971 оны 05 дугаар сарын 14-ны өдрийн 150-р тогтоол, Эрүүл мэндийн яамны сайдын 278 дугаар тушаалаар Нэгдсэн 1-р эмнэлгийг Улсын Клиникийн Төв Эмнэлэг болгон үйлчлэх хүрээг өргөтгөн зохион байгуулж 600 ортойгоор ажиллуулж эхэлсэн. 2015 онд дахин 6542 м2 талбай бүхий эмнэлгийн зориулалтын өргөтгөлийн байрыг ашиглалтанд оруулж одоо нийт 568 ортойгоор үйл ажиллагаагаа явуулж байна.

Улсын Клиникийн Төв Эмнэлгийн нэрийг Монгол Улсын Засгийн газрын 2012 оны 07 дугаар сарын 04-ний өдрийн 231 тоот тогтоолоор Улсын Нэгдүгээр Төв Эмнэлэг болгон өөрчилсөн юм.

Улсын Нэгдүгээр Төв Эмнэлэг нь өнөөдөр улсын хэмжээнд эмнэлгийн төрөлжсөн нарийн мэргэжлийн лавлагаа тусламж үйлчилгээг үзүүлж, анагаах ухааны сургалт, эрдэм шинжилгээний ажил эрхлэх, бүх шатлалын эмнэлгийн байгууллагуудад мэргэжил, арга зүйн гурав дахь шатлалын лавлагаа тусламж үзүүлэх, оношлогоо эмчилгээний стандарт, эмнэлзүйн удирдамж, аргачлал боловсруулах, хүн амын өвчлөл, өвчний тархалт болон бусад эмнэлзүйн чиглэлийн тандалт судалгаа хийх үндсэн чиг үүрэг бүхий улсын ууган эмнэлэг юм.

УНТЭ нь амбулаторын болон хэвтүүлэн эмчлэх чиглэлээр өндөр нарийн мэргэжлийн тусламж үйлчилгээг 21 аймаг, УБ хотын 9 дүүргийн иргэдэд үзүүлж буй бөгөөд нийт 31504м2 талбайн 495 оронд 800 гаруй хүний нөөцөөр жилд 370,000 гаруй иргэдэд амбулаторийн тусламж үйлчилгээг үзүүлдэг бөгөөд үүнээс 20,000-21,000 гаруй иргэдийг хэвтүүлэн эмчилж, 12,000 гаруй иргэдэд мэс заслын тусламж үйлчилгээг үзүүлэн ажиллаж байна.

Эмнэлгийн түүхийн товчоон

1935 онд 10 жилийн он
1975 онд 50 жилийн ойг тохиолдуулан "Хөдөлмөрийн гавъяаны улаан тугийн одонгоор“ 2 удаа 2015 онд 90 жилийн ойг тохиолдуулан тус эмнэлгийн монгол улсад оруулсан хувь нэмэр, хийж гүйцэтгэсэн ажлыг өндрөөр үнэлж “Сүхбаатарын одон” –гоор тус тус шагнагдсан байна.

НЭГДҮГЭЭР ЭМНЭЛГИЙН УДИРДЛАГЫН ТОВЧООН

  • 1924-1927 Ширчинжав
  • 1927-1930 Бабинский
  • 1930-1940, 1943-1944 Б.Гүнсэн
  • 1940-1941 Бадарч
  • 1942-1943 Лувсан-Ёндон
  • 1944-1945 Бэгзийн Гүнсэн
  • 1945-1949 Н.Норов
  • 1950-1954 Навааны Лувсанбалдан
  • 1954-1955 С.Цэнд
  • 1955-1957 Навааны Лувсанбалдан
  • 1957-1960 Р.Гүр
  • 1960-1967 С.Авданбай
  • 1967-1974 Цэвээний Рэнцэндорж
  • 1974-1975 Дэнсмаагийн Бат-Очир /үүрэг гүйцэтгэгч/
  • 1975-1986 Шагдарсүрэнгийн Жигжидсүрэн
  • 1986-1992 Лэгшидийн Гэпил
  • 1992-1996 Пэлжээгийн Онхуудай
  • 1996-2001 Зэвгийн Мэндсайхан
  • 2001-2005 Цүрэмийн Мухар
  • 2005-2006 Ламжавын Саранцэцэг
  • 2006-2007 Ноосгойн Оюунцэцэг
  • 2007-2008 Содовын Сонин
  • 2008.ХII. 26-2009.II.24 Ноосгойн Оюунцэцэг
  • 2009.II.24-2010 Лхамсүрэнгийн Жамбалжав
  • 2010-2017 Батсуурь Бямбадорж
  • 2017-2018 Д.Очирбат /үүрэг гүйцэтгэгч/
  • 2018-2019 Донхимийн Чулуунбаатар /үүрэг гүйцэтгэгч/
  • 2019-2020 Тогтмолын Мөнхсайхан
  • 2020.08 сараас Нацагдоржийн Лхажий